"Насаф" кеча Туркиядаги йиғин доирасида иккинчи назорат учрашувида майдонга тушди. Бу сафарги рақиб Украинанинг «Полисся» жамоаси бўлди.

Биринчи бўлимда житомирликлар яхшироқ ҳаракат қилишди ва учрашувнинг 39-дақиқасида Василий Грисук учрашувда ҳисобни очишга эришди.

Иккинчи бўлимда «аждарлар» уйғонишди. 60-дақиқада дастлаб Жавоҳир Сидиқовда яхши имконият юзага келди. Жавоҳир деярли рақиб дарвозабони билан бирга-бир вазиятга чиқиб борди. Украина жамоаси дарвозабони Жавоҳирга сўнги зарбани беришга йўл бермади. 76-дақиқада Ғайбуллаевдан тўпни қабул қилган Норчаев рақиб жарима майдончасига чап томондан кириб борди ва ҳисобни тенглаштирди.

Шу тариқа, қаршиликлар Анталиядаги иккинчи назорат учрашувида дуранг натижа қайд этишди.

Туркия. Анталия
«Насаф» – «Полисся» 1:1
Голлар: Василий Грисук 39ʼ, Ҳусайн Норчаев 76ʼ
«Насаф» – 1. Умиджон Эргашев 4. Ҳусниддин Алиқулов, 5. Ғолиб Ғайбуллаев, 9. Жавоҳир Сидиқов, 14. Ален Машович, 15. Жўрабек Маннонов, 17. Суҳроб Нуруллоев, 22. Шоҳмалик Комилов, 28. Шуҳрат Муҳаммадиев, 29. Муҳаммаджон Раҳимов, 70. Абубакр-Ризо Турдиалиев
Захирадан майдонга тушганлар: Умарбек Эшмуродов, Акмал Мозговой, Ойбек Бозоров, Ҳусайн Норчаев, Баҳром Абдураҳимов, Шерзод Насруллаев, Сардор Садуллаев, Азамат Сойибов, Нодирбек Мукаров.
«Полисся» – 1. Олег Кудрик, 11. Владислав Шаповал, 78. Иля Чередниченко, 4. Андрей Гитченко, 5. Андрей Нестеров, 55. Борис Крушинский, 8. Владислав Огиря, 99. Максим Андрушенко, 59. Артем Козак, 22. Василий Грисук, 28. Филлип Будковский.

«Насаф» футбол клуби матбуот хизмати