"Nasaf" kecha Turkiyadagi yig‘in doirasida ikkinchi nazorat uchrashuvida maydonga tushdi. Bu safargi raqib Ukrainaning «Polissya» jamoasi bo‘ldi.

Birinchi bo‘limda jitomirliklar yaxshiroq harakat qilishdi va uchrashuvning 39-daqiqasida Vasiliy Grisuk uchrashuvda hisobni ochishga erishdi.

Ikkinchi bo‘limda «ajdarlar» uyg‘onishdi. 60-daqiqada dastlab Javohir Sidiqovda yaxshi imkoniyat yuzaga keldi. Javohir deyarli raqib darvozaboni bilan birga-bir vaziyatga chiqib bordi. Ukraina jamoasi darvozaboni Javohirga so‘ngi zarbani berishga yo‘l bermadi. 76-daqiqada G‘aybullayevdan to‘pni qabul qilgan Norchayev raqib jarima maydonchasiga chap tomondan kirib bordi va hisobni tenglashtirdi.

Shu tariqa, qarshiliklar Antaliyadagi ikkinchi nazorat uchrashuvida durang natija qayd etishdi.

Turkiya. Antaliya
«Nasaf» – «Polissya» 1:1
Gollar: Vasiliy Grisuk 39ʼ, Husayn Norchayev 76ʼ
«Nasaf» – 1. Umidjon Ergashev 4. Husniddin Aliqulov, 5. G‘olib G‘aybullayev, 9. Javohir Sidiqov, 14. Alen Mashovich, 15. Jo‘rabek Mannonov, 17. Suhrob Nurulloyev, 22. Shohmalik Komilov, 28. Shuhrat Muhammadiyev, 29. Muhammadjon Rahimov, 70. Abubakr-Rizo Turdialiyev
Zaxiradan maydonga tushganlar: Umarbek Eshmurodov, Akmal Mozgovoy, Oybek Bozorov, Husayn Norchayev, Bahrom Abdurahimov, Sherzod Nasrullayev, Sardor Sadullayev, Azamat Soyibov, Nodirbek Mukarov.
«Polissya» – 1. Oleg Kudrik, 11. Vladislav Shapoval, 78. Ilya Cherednichenko, 4. Andrey Gitchenko, 5. Andrey Nesterov, 55. Boris Krushinskiy, 8. Vladislav Ogirya, 99. Maksim Andrushenko, 59. Artem Kozak, 22. Vasiliy Grisuk, 28. Fillip Budkovskiy.

«Nasaf» futbol klubi matbuot xizmati