"Челси" ҳимоячиси Марк Кукурелья интервью жараёнида саволларга жавоб берар экан, италиялик ярим ҳимоячи Жоржиньонинг "Арсенал"га ўтиши ҳақида билди.

24 ёшли испаниялик футболчи "Челси"нинг энг ақлли футболчиси ҳақида сўралганда: "Жамоадаги энг ақлли ўйинчи - Жоржиньо, 100 фоиз, чунки у..."

Шу пайт интервью олаётган журналист гапини бўлиб: “Аммо Жоржиньо энди “Челси” футболчиси эмас" - деди.

"Йўғ-э?! "Арсенал"? Мен Жоржиньо жамоадаги энг ақлли эканлигини айтмоқчи эдим... Ёки жавобимни ўзгартиришимни хоҳлайсизми? – деб сўради Кукурелья.

Журналист: “Менимча, сиз уни алмаштиришингиз керак. У "Арсенал"га ўтди. Бу бугун содир бўлди. Унинг "Арсенал" либосида тушган суратлари аллақачон мавжуд.

- "Қўйсангчи! Йўўўқ!" - деб ҳайрон бўлган "Челси" ҳимоячиси кулиб юборди.

31 ёшли Жоржиньо "Арсенал" билан 2024 йилгача мўлжалланган шартнома имзолади.