"Манчестер Юнайтед" ҳужумчиси Дэнни Уэлбек чоршанба куни клуб билан шартномасини узайтирди. Янги шартнома шартларига кўра, футболчи 2016 йилнинг ёзигача Манчестерда қолади.
Келишувнинг молиявий томонлари ошкор қилинмаяпти.
-"МЮ" сафида ўйнаш - қачонлардир қилган орзуларимнинг барчасидир. Бу ҳар доим мухлислик қилган клубим. Мен бунёнинг энг яхши мураббийи қўл остида шуғулланаман, бу келажакда жамоа билан ўсишимга ёрдам беради. Янги мавсум - янги чорлов, - дея Уэлбекнинг сўзларини келтиради "МЮ" расмий сайти.
Уэлбек ўтган мавсумда "Юнайтед" сафида 39 ўйин ўтказиб, 12 гол урган ва 7 голли узатма берган.