«Милан» собиқ футболчиси Кака ҳужумчи Рафаэль Леауга маслаҳат берди. Португалияликнинг амалдаги шартномаси 2024 йилнинг ўрталарига қадар мўлжалланган.
«Россонерилар» айни дамда битимни узайтириш борасида музокаралар олиб бормоқда.
«Леау - анча кучли футболчи, менга унинг ўйинлари ёқади. Агар у Италия футболини фаолиятидаги ўтиш даври деб билса, у ҳолда бу ердан кетиши керак, ҳозир бунга тўғри вақт. Рафанинг А Серияни жиддий қабул қилишини хоҳлайман.
Чунки мен Италия футболини трамплинга ўхшаш нарса деб ҳисобламайман. Баъзида «Милан»дан кетиш энг яхши ғоя сифатида кўринмайди», деди Кака.
