Ўзбекистон Футбол Ассоциацияси матбуот котиби ва таниқли шарҳловчи Даврон Файзиев Моуриньонинг баъзи футболчилар билан кескин муносабатлари ҳақида фикр билдирди.

"Гвардиоланинг баъзи юлдузлар билан чиқиша олмаганини айтдик. Бу борада Жозе Моуриньо ҳам қолишмайди. Мисоллар кўп. Энг охиргиси ва шу кунларда актуал ҳолатни келтириб ўтаман.

Моурнинг ғазабига учраган Николо Заньоло ярим йилга футболсиз қолиши мумкин. Бир пайтлар у янги Тотти ва “Рим императорлигига” даъвогар деб аталган. Ҳозир эса ҳойин тамғасига дучор бўлди.

Ҳаммаси Николонинг Моуриньо ўйин услуби ва ишлаш услубига мослаша олмагани сабабли клубдан кетиш хоҳишидан бошланди. Заньоло раҳбариятдан ўзини трансферга чиқаришни сўраган. Лекин қисқа муддат ичида тузукроқ таклиф бўлмади. Биргина Борнмут варианти бор эди. Мухлислар ҳам Заньолодан ҳафа бўлиб, унга турли таҳдидлар қилишди. Рома эса яхшироқ таклиф бўлмагач, Заньолога шарт қўйди. Ёки Борнмут ё ўринбосарлар таркиби. Чунки Моуриньо уни барибир ўйнатмайди. Заньоло кетишга розилик берди, лекин Борнмут унгача пулни сарфлаб бўлди.

Николо қолди, лекин унга жамоа билан шуғулланиш таъқиқи қўйилди. Фақатгина базада бир ўзи машғулот қилиши мумкин. Заньоло ўзига нисбатан асоссиз тазийқ юзасидан судга мурожаат қилмоқчи.

Шома, вақтида кетдинг ука)" - деб пост қолдирди Файзиев ўзининг телеграм каналида.