O‘zbekiston Futbol Assosiasiyasi matbuot kotibi va taniqli sharhlovchi Davron Fayziyev Mourinyoning ba’zi futbolchilar bilan keskin munosabatlari haqida fikr bildirdi.
"Gvardiolaning ba’zi yulduzlar bilan chiqisha olmaganini aytdik. Bu borada Joze Mourinyo ham qolishmaydi. Misollar ko‘p. Eng oxirgisi va shu kunlarda aktual holatni keltirib o‘taman.
Mourning g‘azabiga uchragan Nikolo Zanyolo yarim yilga futbolsiz qolishi mumkin. Bir paytlar u yangi Totti va “Rim imperatorligiga” da’vogar deb atalgan. Hozir esa hoyin tamg‘asiga duchor bo‘ldi.
Hammasi Nikoloning Mourinyo o‘yin uslubi va ishlash uslubiga moslasha olmagani sababli klubdan ketish xohishidan boshlandi. Zanyolo rahbariyatdan o‘zini transferga chiqarishni so‘ragan. Lekin qisqa muddat ichida tuzukroq taklif bo‘lmadi. Birgina Bornmut varianti bor edi. Muxlislar ham Zanyolodan hafa bo‘lib, unga turli tahdidlar qilishdi. Roma esa yaxshiroq taklif bo‘lmagach, Zanyologa shart qo‘ydi. Yoki Bornmut yo o‘rinbosarlar tarkibi. Chunki Mourinyo uni baribir o‘ynatmaydi. Zanyolo ketishga rozilik berdi, lekin Bornmut ungacha pulni sarflab bo‘ldi.
Nikolo qoldi, lekin unga jamoa bilan shug‘ullanish ta’qiqi qo‘yildi. Faqatgina bazada bir o‘zi mashg‘ulot qilishi mumkin. Zanyolo o‘ziga nisbatan asossiz taziyq yuzasidan sudga murojaat qilmoqchi.
Shoma, vaqtida ketding uka)" - deb post qoldirdi Fayziyev o‘zining telegram kanalida.
