"Манчестер Сити" ярим ҳимоячиси Бернарду Силва ёзги трансфер ойнасида "Барселона"га ўтиши даргумон.

Каталонияликлар узоқ вақтдан бери 28 ёшли футболчини трансферни амалга ошириш умидида кузатиб келишган, аммо молиявий аҳволи оғир бўлгани учун бунга ҳали эриша олмади.

Sport нашри хабарига кўра, ёзгача вазият ўзгармайди: "Барселона" португалиялик футболчининг мавсум охирида "Манчестер Сити"ни тарк этиш ниятидан хабардор, бироқ молиявий фэйр-плей туфайли унинг трансфери учун рақобат қилиш имконияти камлигини тушунади.

Бернарду Силванинг "шаҳарликлар" билан шартномаси 2025 йилгача мўлжалланган, трансфер нархи эса Transfermarkt томонидан 80 миллион еврога баҳоланган.