Хабарингиз бор, 16-турда «Шўртан»га 6:1 ҳисобида мағлубиятга учралганидан кейин россиялик бош мураббий Александр Аверьянов истеъфога чиқарилди ва унинг ўрнини Ўзбекистон ёшлар терма жамоасида фаолият олиб бораётган Азамат Абдураимов эгаллади.
Айтиш жоизки, Абдураимов бунгача 2009 ва 2010 йилги мавсумда Самарқанднинг «Динамо» клубини бошқарган. «Андижон» эса ушбу мураббийнинг фаолиятидаги иккинчи жамоасига айланди.
Азамат Абдураимов кечанинг ўзидаёқ дастлабки машғулотни ҳам ўтказишга улгурди. У билан бирга дарвозабонлар бўйича мураббий Вячеслав Томилин ҳам «Андижон»да иш бошлади.
Шуни ҳам қайд этиш керакки, Александр Аверьяновдан ташқари спорт директори лавозимида ишлаётган Дмитрий Киргеев ва жамоа бошлиғи Анвар Солижонов ҳам ўз вазифасидан озод этилди.













