Туриннинг “Ювентус” клуби собиқ бош мураббийи Маурицио Сарри молиявий фирибгарлик учун “кекса синьора”дан 20 очко олиб қўйилиши мумкинлиги ҳақидаги хабарга муносабат билдирди.
"Мен директорлар кенгашида эмас эдим, биздан сўралганда клубга яхшилик қилишдан бошқа ҳеч нарса қилмадик. Худди шу нарса бошқа йирик клубларда ҳам содир бўлганди. "Ювентус" ажойиб жамоа. Улар янада кучлироқ қайтишади", - деди Сарри.
Олдинроқ матбуотда Италия футбол федерацияси "Юве"дан 20 очко олиб ташламоқчи эканлиги ҳақида маълумот пайдо бўлганди. Яқинда туринликлар 15 балл билан жаримага тортилганди.