"Арсенал"нинг умиди узилгандан сўнг "Реал" яримҳимоячиси Нури Шахин фаолиятини "Ливерпуль"да давом эттирадиган бўлди, бу ҳақда ВВС хабар бермоқда.
Мерсисайдликлар бош мураббийи Брендан Рожерс ушбу трансфер ҳақида 24 соат ичида эьлон қилинишини айтди. "Ливерпуль" футболчининг бир йиллик ижарага олган ва футболчининг ҳафтасига 115 фунтлик маошининг катта қисмини тўлайди.
Бунда Ливерпуль мавсум тугагач, 23 ёшли футболчини 14 миллион фунт эвазига сотиб олиш ҳуқуқини ҳам қўлга киритган.
Эслатиб ўтамиз, бу футболчига "Фенербахче" ҳам қизиқиш билдирган, ҳатто ижара асосида ўйнашига ҳам келишилган, деган хабарлар тарқалган эди. Аммо якунда футболчини "Ливерпуль" "илиб" кетди.
Ўтган мавсумда Шахин Испания чемпионатида 4 та ўйин ўтказиб, биронта ҳам гол урмаган.
