Қишки трансфер ойнасида "Челси" 8 нафар футболчининг трансфери учун 330 миллион евро сарфлади. Шу билан бирга, лондонликлар Чемпионлар лигаси учун қайдномага атиги учта янги ўйинчини жалб қила олишди - бу УЕФА қоидалари.
УЕФА расмий сайтида кўриниб турибдики, "Челси" Энцо Фернандес, Михаил Мудрич ва Жоау Феликсни рўйхатдан ўтказган. Тан олиш керакки, Грэм Поттернинг танлови аниқ эди.
Шунингдек, ҳужумчи Пьер-Эмерик Обамеянг Чемпионлар Лигаси учун "Челси" рўйхатидан четда қолганини ҳам таъкидлаш жоиз.
Чемпионлар лигасининг 1/8 финалида "Челси" "Боруссия"га қарши майдонга тушади. Биринчи ўйин 15 февраль куни Дортмундда бўлиб ўтади.
