"Бавария" бош мураббийи Юлиан Нагельсманн "ПСЖ" ҳужумчиси Килиан Мбаппенинг жароҳати ҳақидаги хабарга муносабат билдирди.
"Менимча, у майдонга тушмайди, унинг қандай жароҳати борлигини аниқ билмаймиз. Тиббий ҳисоботда айтилган нарса жуда аниқ эмас, бу ноаниқ. Улар покер ўйнаб, у жароҳат олмаган бўлса ҳам, жароҳат олди дейишлари мумкин... Биз Мбаппе жароҳат олса ҳам, олмаса ҳам одатдагидек энг яхши тарзда тайёрланамиз", - деди Нагельсманнинг Marca билан суҳбатда.
"ПСЖ" аввалроқ 24 ёшли футболчи чап сон қисмидаги жароҳат туфайли уч ҳафтага сафдан чиққани ҳақида хабар берган эди. У мюнхенликлар билан 14 февраль куни бўлиб ўтадиган Чемпионлар лигаси 1/8 финалининг биринчи ўйинини ўтказиб юборади.
