"Bavariya" bosh murabbiyi Yulian Nagelsmann "PSJ" hujumchisi Kilian Mbappening jarohati haqidagi xabarga munosabat bildirdi.

"Menimcha, u maydonga tushmaydi, uning qanday jarohati borligini aniq bilmaymiz. Tibbiy hisobotda aytilgan narsa juda aniq emas, bu noaniq. Ular poker o‘ynab, u jarohat olmagan bo‘lsa ham, jarohat oldi deyishlari mumkin... Biz Mbappe jarohat olsa ham, olmasa ham odatdagidek eng yaxshi tarzda tayyorlanamiz", - dedi Nagelsmanning Marca bilan suhbatda.

"PSJ" avvalroq 24 yoshli futbolchi chap son qismidagi jarohat tufayli uch haftaga safdan chiqqani haqida xabar bergan edi. U myunxenliklar bilan 14 fevral kuni bo‘lib o‘tadigan Chempionlar ligasi 1/8 finalining birinchi o‘yinini o‘tkazib yuboradi.