«Ливерпуль» ва Англия терма жамоасининг собиқ футболчиси Дэнни Мёрфи «Челси»нинг трансфер сиёсатини танқид қилди ва Энцо Фернандеснинг ўйинлари ҳақида фикр билдирди.
«Менимча, «Челси» футболчилар учун ортиқча пул тўлаяпти. Мен Фернандеснинг бир неча ўйинларини жонли томоша қилдим, муносиб ўйинчи, лекин 100 миллионга арзимайди.
Энцо яхши ярим ҳимоячи, аммо у Родри ёки Каземиро даражасида эмас», - деди Мёрфи.
Эслатиб ўтамиз, «Челси» қишки трансфер ойнасида деярли 330 миллион евро сарфлади. Клуб Энцо Фернандес учун «Бенфика»га 121 миллион евро сарфлади.
