«ПСЖ» ва Аргентина терма жамоаси ҳужумчиси Лионель Месси Ole нашрига Қатарда бўлиб ўтган 2022 йилги жаҳон чемпионатидан кейинги батафсил интервьюсини берди. Аргентиналиклар жаҳон чемпионати тарихидаги энг яхши финаллардан бирида Францияни (3:3, 4:2 пен.) мағлуб этиб, чемпионликни қўлга киритди. Месси жамоа учун турнирнинг бориши, ғалабадан олинган ҳис-туйғулар ҳақида гапирди ва Қатарда яратилган мемлар ҳақида фикр билдирди. Биз сиз учун Леонинг энг қизиқарли жавобларини ҳавола этамиз.
Кубокни ўпиши ҳақида
— Ўша пайтда ҳис қилганларимни сўз билан тушунтириб беролмайман. Кубокни кўрганимда бундай муносабат ҳақида ўйламагандим. Бу менинг ичимдан чиқди: унга яқинлашиш, тегиниш ва ўпиш. Бу ўз-ўзидан пайдо бўлди, чунки мен юқорига кўтарилгунимча кубокни кўрмаган эдим. Мен буни ўтаётганда пайқадим.
Жаҳон чемпионатида ғалаба қозонишни қанчалик хоҳладим? — Шунча вақт терма жамоада бўлганимдан сўнг, аввалги жаҳон чемпионатларидан сўнг, 2014 йилда кубокга яқин борганимдан сўнг, ЖЧ-2018да қилган ишимни уддалай олмай, ғалабани қўлдан чиқарганимдан кейин менда алам пайдо бўлган. Жаҳон чемпионатидаги ғалаба ортида кўп қурбонликлар, кўплаб мағлубиятлар, кўплаб оғир дамлар бор. Бу фантастик ҳикоя.
Саудия Арабистони билан ўйиндан кейинги қўрқув ҳақида
- Саудия Арабистонидан мағлубиятга учраганимиздан кейин ҳам ҳамма нарсага қодир эканлигимизга ишончим комил эди. Очиғи, ўйин биз кутгандек кетмади, деган қўрқув бор эди, мағлубиятдан кейин бу осон бўлмади. Агар иккинчи ўйинда ютқазганимизда, ҳеч қандай имкониятга эга бўлмаган бўлардик. Ваҳоланки, бу жамоанинг кучини, қандай менталитетга эга эканини кўрсатди ва Мексика билан ўйиндан кейин бизни янада кучлироқ қилган ўзига хос синов бўлди. Лекин, шу аниқки, ишлар биз хоҳлагандек кетмади, деган қўрқув бор эди.
Мексика ва Польша билан ўйинлар ҳақида
— Йигитлар билан гаплашиб, аҳволимиз оғир экани, аммо ундан чиқишга ҳаракат қилишимиз кераклигини айтганимни эслайман. Саудия Арабистони билан учрашув олдидан биз 35 ўйинни мағлубиятсиз ўтказдик ва агар аввалгидек ўйнасак, Мексикани мағлуб этишимизни билардик. Энг қийини, шошилмаслик учун сабр-тоқат ва хотиржамликка эга бўлиш эди. Тўпни бир қанотдан иккинчисига ўтказинг, бўш жой пайдо бўлишини кутинг. Баъзида ҳаяжон бизни еб қўярди, жуда тез ўйнашга мажбур қилди ва биз аҳмоқона тарзда тўпларни йўқотдик, аммо бундай учрашув учун бу нормал ҳолат.
Мексика билан баҳсдан кейин мен жуда хотиржам эдим. Биз Польшага қарши ажойиб ўйин ўтказдик, пенальтини ура олмаганимдан кейин биз шундай ўйнашда давом этдик ва ундан ҳам яхшироқ ҳаракатландик. Бизда ўйин назорати, тўпга кўпроқ эгалик қилиш аввалгилари билан бир хил эди. Саудияликларга ютқазганимиз тасодиф эди, биринчи бўлимда бизда кўп имкониятлар бўлди, агар 2:0 ҳисобида олдинда бўлганимизда ўйин бошқача кечган бўларди. Улар иккита гол уришди ва бу бизга қимматга тушди.
Жаҳон чемпионатининг плей-офф босқичидаги биринчи голлар ҳақида
— Биз бу ҳақда оиламиз ва дўстларимиз билан гаплашдик. Бу шундай бўлиши керак эди, фильмнинг охири бахтли якун билан тугаши керак эди. Бир марта Худо менга жаҳон чемпионлигини беришига ишонишим ҳақида айтгандим. Нега бундай деб ўйлаганимни билмайман, лекин буни ҳис қилдим. Менимча, бу ЖЧ лаҳзалари энг яхшиси эди. Агар бошқа ЖЧни танлашим керак бўлса, ундай қилмасдим. Бундай якун жуда ажойиб.
Голландия билан баҳсдаги гол нишонлаши ҳақида
— Ўйин олдидан хаёлимда ҳеч нарса йўқ эди. Кейинроқ «Нега бундай қилдим», деб ўйладим. Рақиб ҳисобни тенглаштирди. Ўйиндан олдин ван Гал нима деганини кўрдим, бир жамоадошим буни менга кўрсатди. Ва ҳақиқат шундаки, бу мени безовта қилди, чунки мен ҳеч қачон ҳеч ким ҳақида ортиқча гапирмайман, айниқса ўйиндан олдин. Мен ҳар доим ван Гал ҳақида катта ҳурмат билан гапирганман.
«Que mira bobo? Anda pa a lla» («Нимага қараб турибсан, аҳмоқ? Бу ердан кет»), Вегхорстга қарата айтилган гап ҳақида?
- Тўғриси, ўша пайтда ҳаяжонга тушдим, ўзимни бундай кўришни истамасдим. Мен бу ибора вирусга айланиши мумкин деб ўйламаган эдим. Жуда қизғин ва шиддатли ўйин бўлди, бу Аргентина учун ҳазил бўлиб қолсин.
Аргентинанинг финалдаги ўйини ва Мартинеснинг қўшимча таймлардаги сейвлари ҳақида
— Ўйлайманки, биз ажойиб ўйин ўтказдик. Бу биринчи марта кузатилаётган шиддатли учрашув эмасди, лекин Франция билан жаҳон чемпионати финали бўлганлиги сабабли, бу лаҳзани янада муҳимроқ қилади. Кўп ўйинларда биз шундай ўйнадик, аммо бу жаҳон чемпионатининг ҳал қилувчи палласида бўлгани каби муҳим эмас эди. Мартинеснинг сейвлари эса шу қадар тез содир бўлдики, ўша пайтда мен аслида нима бўлганини ҳис қилишга улгурмадим, чунки биз дарҳол қарши ҳужумга ўтдик, Лаутаро боши билан зарба берди. Кейинчалик видеони томоша қилганимда кўпроқ ҳаяжонландим. Бу ҳолат том маънода ўз-ўзидан пайдо бўлди, ҳамма нарса жуда тез ва бирданига содир бўлди ... Бу жуда тез эдики, мен бу ҳақда ўйлашга ҳам вақтим йўқ эди. Кейинроқ, уни қайта кўрганимда, аслида қандай эканлигини англадим. Мартинес билан бўлган лаҳза жуда тез ўтди.
Нима учун бутун дунё Аргентина чемпион бўлишини хоҳлади?
— Ростини айтсам, нега буни билмайман. Ўйлайманки, одамлар менинг мақсадимга эришиш учун қилган ҳаракатимни кўришди. Баъзи ўйинлар кўпчилик учун адолатсизликдек туюлди. Натижа бўйича эмас, кўп танқидлар бўлди, мени «чўктирган» журналистлар кўп учради. Мени яхши кўрадиган ва яхшилик тилаган инсонлар эса баҳслардан доим завқ олишган. Яхшиямки, уларнинг сони кўпроқ.
Жаҳон чемпионати финалидан кейин Мбаппе билан учрашув ҳақида
— Биз Мбаппе билан ўйин, байрамлар ва мен таътилда бўлган кунларда Аргентинада одамлар қандай яшаши ҳақида гаплашдик. Бошқа ҳеч нарса. Мағлуб бўлган одам билан финал ҳақида гапириш қийинми? — Мен бунга эътибор қаратишни, финал мавзусини кўтаришни ҳам хоҳламайман. Жаҳон чемпионати билан боғлиқ бирор нарсани муҳокама қилишни хоҳламадим. Лекин Килиан билан умуман муаммом йўқ.
2026 йилги жаҳон чемпионатида ўйнаш ҳақида
- Билмайман, ёшим туфайли у ерга бориш жуда қийин бўлишини ҳар доим айтганман. Мен футбол ўйнашни яхши кўраман ва бундан завқланишда давом этаман. Аммо кейинги жаҳон чемпионатига ҳали кўп йиллар бор. Лекин барчаси даражага боғлиқ.
Аргентина терма жамоасини ғалабани нишонлагани учун танқид қилиш ҳақида
— Бу менга адолатсизликдек туюлади, чунки бу ҳақиқатга мос келмайди. Ҳеч ким бизга текинга ҳеч нарса бермаган, биз ҳамиша ўзимизни намунали тутганмиз – майдонда ҳам, майдон ташқарисида ҳам. Голландия билан ўйинда содир бўлган воқеа туфайлигина бизни танқид қилишяпти, деб ўйлайман. Аммо ўйиндан олдин ва ўйин давомида, шунингдек, пенальтилар сериясида содир бўлган воқеалар ҳақида ҳеч ким ҳеч нарса демаяпти.
Улар бизни провокация қилишди, пенальти тепиш арафасида турган футболчиларимизни қоралашди, шошқалоқлик қилишди.
