"Манчестер Юнайтед" бош мураббийи Эрик тен Хаг Мейсон Гринвуд билан боғлиқ вазият ҳақида гапирди.
Эслатиб ўтамиз, манчестерлик ҳужумчи қизни зўрлаш ва ўлим билан таҳдид қилиш айбловларидан озод қилинган эди. Инглиз клуби ўз текширувини ўтказишини айтди. Гринвуд 2022 йил 22 январдан бери ўйнамади.
"Бу ҳақиқатан ҳам муҳим, лекин баъзида турли хил муаммолар мавжуд. Сиз клуб ва жамоа сифатида бундай вазиятларни енгишингиз керак. Бизда стандартлар ва қадриятлар бор. Биз бу юксак меъёрлар ва қадриятларга риоя қилишимиз керак, агар жамоа яхши маданият ва руҳга эга бўлса, бу келажак учун пойдевор бўлади.
Ҳеч нарсага чалғимаслик бизнинг вазифамиз. Биз инсонмиз ва баъзида турли саволлар туғилади. Биз роботлар эмасмиз, лекин диққатимизни ишимизга қаратишимиз керак.
Бизда жуда кўп ўйинлар борки, бошқа ҳеч нарсага вақтимиз йўқ. Бу осон эмас, лекин бу бизнинг ишимиз” - деди Тен Хаг.
