"Manchester Yunayted" bosh murabbiyi Erik ten Xag Meyson Grinvud bilan bog‘liq vaziyat haqida gapirdi.

Eslatib o‘tamiz, manchesterlik hujumchi qizni zo‘rlash va o‘lim bilan tahdid qilish ayblovlaridan ozod qilingan edi. Ingliz klubi o‘z tekshiruvini o‘tkazishini aytdi. Grinvud 2022 yil 22 yanvardan beri o‘ynamadi.

"Bu haqiqatan ham muhim, lekin ba’zida turli xil muammolar mavjud. Siz klub va jamoa sifatida bunday vaziyatlarni yengishingiz kerak. Bizda standartlar va qadriyatlar bor. Biz bu yuksak me’yorlar va qadriyatlarga rioya qilishimiz kerak, agar jamoa yaxshi madaniyat va ruhga ega bo‘lsa, bu kelajak uchun poydevor bo‘ladi.

Hech narsaga chalg‘imaslik bizning vazifamiz. Biz insonmiz va ba’zida turli savollar tug‘iladi. Biz robotlar emasmiz, lekin diqqatimizni ishimizga qaratishimiz kerak.

Bizda juda ko‘p o‘yinlar borki, boshqa hech narsaga vaqtimiz yo‘q. Bu oson emas, lekin bu bizning ishimiz” - dedi Ten Xag.