Юрген Клопп Муҳаммад Салоҳга бўлаётган танқидларга жавоб қайтарди.

"Муносабат ва шунга ўхшаш нарсалар ҳеч қачон Салоҳ учун муаммо бўлмайди. У жаҳон даражасидаги спортчи, шунинг учун у биринчи бўлиб келади, охири кетади, қаттиқ машқ қилади ва ҳоказо.

У ҳозир гол урмаяпти, лекин менимча, “Нега Клоппга янги шартнома беришди?” деб ўйлайдиганлар бор. Бизнинг дунёмиздаги нарсалар шундай, бу мутлақо нормал ҳолат. Муваффақиятсиз бўлсак, танқид бўлади.

Унинг характерини, билимини, қобилиятини шубҳа остига қўйишингиз мумкин, сиз ҳаммасини қилишга ҳаққингиз бор, лекин жаҳон даражасидаги ажойиб футболчи бўлмасангиз, Салоҳ каби кўп гол ура олмайсиз.

Албатта, Муҳаммад ўтган йили албатта гол урган пайтлар бўлди. Одатда вазиятлар, "Брайтон" билан ўйиндаги каби, 100 фоиз гол бўлади, аммо ҳозир ундай бўлмаяпти. Сиз буни янги шартнома ёки бирор нарса билан боғлиқ деб ўйлайсиз, лекин бу тўғри эмас" - деди “Ливерпуль” бош мураббийи.