«Реал Мадрид» бош мураббийи Карло Анчелотти Испания чемпионатида «Мальорка» билан ўйин арафасида жамоадаги кадрлар муаммоси ҳақида гапирди.
Эслатиб ўтамиз, «қироллик клуби» Ла Лигада пешқадам «Барселона»дан 5 очкога ортда қолмоқда.
«Алаба ниҳоят тузалиб кетди ва эртанги ўйинда иштирок этишга тайёр. Милитао ва Бенземага келсак, улар айни дамда тиббий кўрикдан ўтишмоқда.
Улар «Мальорка»га қарши ўйнамайди, аммо клублар ўртасидаги жаҳон чемпионатида тикланишлари керак. Улар ярим финалда қатнаша оладими ёки йўқми, билмайман», - деди Анчелотти матбуот анжуманида.
Эслатиб ўтамиз, Ла Лиганинг сўнгги турида Мадриднинг «Реал» клуби ўз майдонида «Валенсия»ни 2:0 ҳисобида мағлуб этганди.
