Мадриднинг “Реал” клуби бош мураббийи Карло Анчелотти “Мальорка”га қарши ўйин арафасида ҳужумчи Винисиус Жуниор ҳақида гапирди.
“Винисиус ажойиб футболчи. Бундай футболчилар ёшларга ёқади. Менинг тўрт неварамда унинг исми ёзилган футболкалар бор, бошқаси йўқ. У одатдагидек бўлажак ўйинга тайёргарлик кўради", - деди италиялик мутахассис Mundo Deportivo билан суҳбатда.
Шунингдек, Анчелотти, Винисиусга ўйин бўйича кўрсатмалар бериш шарт эмаслигини таъкидлади.
Эслатиб ўтамиз, Испания чемпионати доирасидаги "Реал" - "Мальорка" учрашуви эртага, 5 февраль куни "Иберостар" стадионида бўлиб ўтади. Учрашув Тошкент вақти билан 18:00 да бошланади.
