«Тоттенхэм» бош мураббийи Антонио Конте 5 февраль, якшанба куни бўлиб ўтадиган Англия Премьер-лигаси доирасида «Манчестер Сити»га қарши ўйинга тайёр ҳолатда бўлади. Хабарингиз бор, у операция қилинган эди.

Шу ҳафтада италиялик мутахассис ўт пуфагини олиб ташлаш учун шошилинч жарроҳлик амалиётини ўтказди. «Шпорлар» бош мураббийи ёрдамчиси Кристиан Стеллинининг айтишича, Конте «Сити»га қарши ўйинда иштирок этади.

«Қарор эртага қабул қилинади. Биз бунинг учун ҳамма нарсани қилишга тайёрмиз, аммо бу Антонио ва, эҳтимол, шифокорларнинг қарори бўлади. Вақтимиз бор.

Операция олдидан навбатдаги ўйинга қандай тайёргарлик кўриш ҳақида гаплашишга улгурдик ва операция давомида атиги 12 соат усиз қолдик холос.

Операциядан сўнг унинг гапиришга кучи йўқ эди, лекин у ўзига келганида, дарҳол менга қўнғироқ қилди ва машғулот ва ўйин ҳақида гапира бошлади», — деди Стеллини.