«Tottenxem» bosh murabbiyi Antonio Konte 5 fevral, yakshanba kuni bo‘lib o‘tadigan Angliya Premyer-ligasi doirasida «Manchester Siti»ga qarshi o‘yinga tayyor holatda bo‘ladi. Xabaringiz bor, u operasiya qilingan edi.
Shu haftada italiyalik mutaxassis o‘t pufagini olib tashlash uchun shoshilinch jarrohlik amaliyotini o‘tkazdi. «Shporlar» bosh murabbiyi yordamchisi Kristian Stellinining aytishicha, Konte «Siti»ga qarshi o‘yinda ishtirok etadi.
«Qaror ertaga qabul qilinadi. Biz buning uchun hamma narsani qilishga tayyormiz, ammo bu Antonio va, ehtimol, shifokorlarning qarori bo‘ladi. Vaqtimiz bor.
Operasiya oldidan navbatdagi o‘yinga qanday tayyorgarlik ko‘rish haqida gaplashishga ulgurdik va operasiya davomida atigi 12 soat usiz qoldik xolos.
Operasiyadan so‘ng uning gapirishga kuchi yo‘q edi, lekin u o‘ziga kelganida, darhol menga qo‘ng‘iroq qildi va mashg‘ulot va o‘yin haqida gapira boshladi», — dedi Stellini.
