Англия премьер-лигасининг йигирма иккинчи туридан ўрин олган учрашув «Манчестер Юнайтед» учун муваффақиятли якунланди – голландиялик мураббий Эрик тен Хаг шогирдлари «Кристал Пэлас»ни 2:1 ҳисобида мағлуб этишди. Биринчи бўлимдаёқ ҳисоб очилди ва «Манчестер Юнайтед» бир тўп фарқи билан танаффусга йўл олди.
Статистик маълумотларга кўра, жамоа танаффусда олдинда бўлган баҳсларнинг АПЛдаги 127 тасида мағлуб бўлмаган.
«Манчестер Юнайтед» охирги марта 2014 йил сентябрида АПЛ доирасидаги учрашувда танаффусдан олдинги ҳисобни ушлай олмаган, ўшанда «Лестер»га қарши ўйинда шундай бўлганди.
