Англия терма жамоасининг собиқ ҳимоячиси Рио Фердинанд "Арсенал"нинг "Эвертон"га 0:1 ҳисобида мағлуб бўлганидан кейин АПЛда ғалаба қозониш имкониятларини баҳолади.
“Бу вақт давомида биз “Арсенал” чемпион бўлиши мумкинлигига ишонгандик, мен уни фаворит деб атаганман. Мен уни ҳамон фаворит деб биламан, аммо энди жамоа ҳақиқий психологик тестдан ўтиши керак. Менимча, "Арсенал" кўпинча паст блокда ҳаракат қиладиган рақиблар билан тўқнаш келади, аммо бошқа жамоалар бундай тажовузкорлик кўрсатишмади, "Арсенал" дарвозасига у қадар яқинлаша олишмади.
Шундай дамларда тизим қаршилигини енгиб ўта оладиган юлдуз футболчилар ўзини кўрсатишини истайман", - дея Фердинанд сўзларини келтиради Metro.
