Каталониянинг "Барселона" тарбияланувчиси бўлган иқтидорли ҳужумчи Ансу Фати жорий мавсум якунида "кўк-анорранглилар" сафини тарк этиши мумкин. Бу ҳақда Mundo Deportivo нашри хабар бермоқда.
20 ёшли футболчида фаолиятини Европада давом эттириш учун учта вариант бор. Манбага кўра, Ансу хизматларига Мюнхеннинг "Бавария", шунингдек, Лондоннинг "Тоттенхэм" ва "Арсенал" клублари қизиқиш билдирмоқда.
Фати 2020 йил сентябрь ойидан бери “Барселона”нинг асосий жамоасида ўйнамоқда. Унинг Каталония гранди билан амалдаги шартномаси 2026/2027 йилги мавсум охирида якунига етади. Футболчининг трансфер нархи 50 миллион еврога баҳоланмоқда.
