Мадриднинг "Реал" клуби ижара асосида ўйнаётган "Шахтёр"нинг бразилиялик ҳимоячи Винисиус Тобиасни сотиб олиш вариантини фаоллаштирмоқчи эмас. Бу ҳақда Marca хабар бермоқда.
Манбага кўра, испан клуби футболчи учун 9 миллион евро тўлашга тайёр эмас ва трансфер нархини пасайтирмоқчи.
Аввалроқ, "Шахтёр" Испания клубини Тобиаснинг ижараси бекор қилиниши мумкинлиги ҳақида хабардор қилгани хабар қилинганди. "Кончилар" агар "Реал"га Тобиас керак бўлмаса, ижара шартномасини тугатишга тайёр. "Қаймоқранглилар"да сотиб олиш опцияси бор, лекин мадридликлар ҳали уни фаоллаштирмаган.
Тобиас жорий мавсумда 23 ўйинда 5 та голли узатмани амалга оширди. У "Реал Мадрид" ёшлар жамоасида ўйнайди ва ҳатто асосий жамоага таклиф қилинган, аммо у ҳали асосий жамоада дебют қилмаган.
Тобиас 2022 йилнинг январида «Интернасионал»дан «Шахтёр»га ўтганди. Томонлар ўртасидаги келишув 2026 йилнинг ёзига қадар мўлжалланган.
