"ПСЖ" спорт директори Луиш Кампушнинг айтишича, клуб ярим ҳимоячи Ҳаким Зиешни "Челси" билан ижарага олиш учун барча имкониятларни ишга солган.

"Зиеш? Биз ҳамма нарсани қилдик. Лекин, барча трансферларда бўлгани каби, уч томон ҳам энг юқори даражада ишлаши керак. Буни "ПСЖ", Зиешнинг ўзи амалга оширди, аммо, афсуски, охирги лаҳзада "Челси" барчасини барбод қилди", - деди Кампуш Telefoot билан суҳбатда.

Эслатиб ўтамиз, трансфер ойнасининг сўнгги кунида "Челси" ва "ПСЖ" марокашлик футболчини парижликлар сафига ижарага ўтказиш бўйича келишиб олганди, аммо муддати ўтиб кетгани учун трансфер амалга оширилмади. "ПСЖ" "Челси"ни Зиешнинг трансферини бузганликда айблади, унинг раҳбарияти марокашликни сақлаб қолиш учун ҳужжатларда хатоларга йўл қўйган. Париж клуби апелляция аризаси билан чиқди, бироқ у рад этилди.