Винисиус "Мальорка" футболчилари ва мухлислари билан можаро марказида қолди (0:1).
Ҳимоячилар Антонио Раильо ва Пабло Маффео ўйиннинг кўп қисмида "Реал" футболчисига қўполлик қилишди ва биринчи бўлимда унга нисбатан тўрт марта қоидабузарлик қилишди. 44-дақиқада Винисиуснинг ўзи Маффеога нисбатан қоидани бузди, бунинг учун у ҳакам Алехандро Эрнандес Эрнандесдан сариқ карточка олди.
Танаффусга йўл олган бразилиялик футболчи унинг ҳаракатларига салбий муносабат билдирган “Мальорка” мухлисларига либосидаги "Реал" рамзига ишора қилди.
Танаффусдан сўнг Винисиуснинг бу ишорасига Раильо муносабат билдирди. Танаффусдан кейин "Мальорка" ҳимоячиси ўйиндаги вазиятларнинг бирида унинг футболкасини ушлаб олди ва клуб эмблемаси туширилган қисмни Винисиуснинг юзига олиб келиб, уни ўпишни таклиф қилди.
