Англия чемпионатининг 22-туридан ўрин олган “Манчестер Сити”га (1:0) қарши ўйинни операция туфайли ўтказиб юборган “Тоттенхэм” бош мураббийи Антони Конте ўйин тугаши биланоқ, жамоанинг кийиниш хонасига қўнғироқ қилди.
У биринчи навбатда ҳужумчи Харри Кейн билан боғланиб, уни ғалаба голи билан табриклади.
Кейн "Тоттенхэм" сафидаги 267-голини урди ва клуб тарихидаги энг яхши тўпурарга айланди ва 1966 йилги жаҳон чемпиони Жимми Гривзнинг рекордини янгилади (266).
Англиялик футболчи АПЛдаги 200-голини ҳам урди ва Алан Ширер (260) ва Уэйн Руни (208) дан кейин бу маррага етган учинчи футболчига айланди.
