Ярим ҳимоячи Николо Дзаньоло "Галатасарой"га ўтишга рози бўлди, дея хабар беради журналист Фабрицио Романо.
Ҳозир клублар трансфер суммасини муҳокама қилишмоқда, бонусларни ҳисобга олмаганда, тахминан 22 миллион евро бўлиши керак.
Аввалроқ турк клуби 23 ёшли футболчига 2027 йилгача мўлжалланган шартнома таклиф қилгани хабар қилинганди. Дзаньолонинг маоши мавсумда 3 миллион еврога етиши мумкин.
Италиялик ва римликлар ўртасидаги амалдаги келишув 2024 йилнинг ёзига қадар тузилган.
Жорий мавсумда у "Рома" сафида барча мусобақаларда 17 та ўйинда майдонга тушиб, 2 та гол урди ва 3 та голли узатмани амалга оширди.
