Англия терма жамоаси ва «Челси» клуби собиқ ҳужумчиси Крис Саттон «шаҳарликлар» АПЛ 22-тури доирасидаги «Тоттенхэм»га (0:1) имкониятни бой берганидан сўнг, «Манчестер Сити» бош мураббийи Хосеп Гвардиола ҳақидаги фикрлари билан ўртоқлашди. Ягона гол биринчи бўлим бошида ҳужумчи Харри Кейн томонидан киритилди.
«У Канселуни ижарага юборди - бу хунук қарор. Гвардиола ғалаба қозониши керак бўлган ўйинда Де Брюйнени захирада қолдирди.
Бу қарорларга тушуна олмадим. Унинг сўнгги қарорлари жамоага салбий таъсир кўрсатмоқда. Клуб энди илгари кузатилган тотал устунликка эга эмаслар», - деб ёзди Саттон.
Эслатиб ўтамиз, «Сити» АПЛ турнир жадвалида пешқадам «Арсенал»дан 5 очко ортда қолиб, иккинчи ўринда бормоқда.
