"Челси" ярим ҳимоячиси Нголо Канте ёзги трансфер ойнасида жамоасини ўзгартириши мумкин. Бу ҳақда Goal.com портали журналистларига маълум бўлди.

Франциялик ярим ҳимоячини трансферига Англия Премьер-лигасининг яна бир топ вакили “Ливерпуль” қизиқмоқда. Мерсисайдликлар Кантени ёздаги асосий трансфер мақсади деб билишади. "Қизиллар"нинг футболчи учун баҳсдаги рақобатчилари "Реал Мадрид", Каталониянинг "Барселона" ва "Атлетико Мадрид" клубларидир.

Нголо 2016 йилнинг ёзидан бери лондонликлар сафида ўйнаб келмоқда. Унинг шартномаси жорий мавсум охирида якунига етади. Футболчининг трансфер нархи 30 миллион еврога баҳоланмоқда.