Ҳужумкор ярим ҳимоячи Кристиан Пулишич охирги марта "Челси" сафида бир ой аввал - январь ойи бошида ўйнаган. Ўшандан бери америкалик футболчи тиззасидан жароҳат олиб, клуб шифохонасида ётди.
Ижтимоий тармоқлар орқали Пулишич яқин орада сафга қайтишига шаъма қилди. 24 ёшли америкалик футболчи "Тез орада қайтаман" - деб ижтимоий тармоқларда пост қолдирди.
Умуман олганда, Кристиан Пулишич "Челси" сафида 136 та расмий ўйин ўтказган. Уларда ҳужумкор ярим ҳимоячи 26 та гол урди ва шерикларига 31 та голли узатмани амалга оширди.
"Челси" айни дамда Англия Премьер-лигаси турнир жадвалида 9-ўринда бормоқда.
