Мюнхен фожиасининг 65 йиллиги муносабати билан "Манчестер Юнайтед" бош мураббийи Эрик тен Хаг қурбонлар хотирасига ҳурмат бажо келтирди ва бу воқеа клубда қолдирилган излари ҳақида гапирди.
Эслатиб ўтамиз, 1958 йилнинг 6 февралида Мюнхендаги авиаҳалокатда 23 киши ҳалок бўлган, улардан саккиз нафари "қизил иблислар" футболчилари эди.
"Менимча, буни эслаб қолиш жуда муҳим, чунки бу "Манчестер Юнайтед"нинг мероси ҳақида гапиради. Бу воқеа бизга эрта вафот этган одамларни эслатади. Биз буни ҳар йили эслашимиз керак, аммо бу хотира ҳам ҳужумкор футболга содиқлик мероси. Ўйлайманки, клубда бу руҳ ҳали ҳам мавжуд, футболчилар ҳали ҳам ўз фаолиятларида муваффақият қозонишмоқда, биз ҳали ҳам ўша даврга хос бўлган ёндашув билан ўйнаймиз", - деди тен Хаг клуб расмий сайтига.
