Myunxen fojiasining 65 yilligi munosabati bilan "Manchester Yunayted" bosh murabbiyi Erik ten Xag qurbonlar xotirasiga hurmat bajo keltirdi va bu voqea klubda qoldirilgan izlari haqida gapirdi.
Eslatib o‘tamiz, 1958 yilning 6 fevralida Myunxendagi aviahalokatda 23 kishi halok bo‘lgan, ulardan sakkiz nafari "qizil iblislar" futbolchilari edi.
"Menimcha, buni eslab qolish juda muhim, chunki bu "Manchester Yunayted"ning merosi haqida gapiradi. Bu voqea bizga erta vafot etgan odamlarni eslatadi. Biz buni har yili eslashimiz kerak, ammo bu xotira ham hujumkor futbolga sodiqlik merosi. O‘ylaymanki, klubda bu ruh hali ham mavjud, futbolchilar hali ham o‘z faoliyatlarida muvaffaqiyat qozonishmoqda, biz hali ham o‘sha davrga xos bo‘lgan yondashuv bilan o‘ynaymiz", - dedi ten Xag klub rasmiy saytiga.
