Туркия терма жамоасининг собиқ ҳимоячиси Гехкан Зан ўзининг туғилган шаҳри Ҳатайга ёрдам сўраб ижтимоий тармоқларига мурожаат қилди.
«Ёрдам йўқ, сув ҳам йўқ. Ҳеч ким ҳеч қаерга кета олмайди. Биз ҳеч нарса қила олмаймиз. Ҳатай ташқарисида бўлганлар, бошқа шаҳарларда бўлганлар, сиздан илтимос қиламан, бизнинг овозимизни эшитинг. Ҳатай ёруғ бўлсин, бу ер аянчли аҳволда. Ҳамма ер вайрон бўлган. Мен ҳеч кимни билмайман, лекин илтимос қиламан, ҳаммамиз даҳшатли аҳволдамиз. Интернет жуда ёмон, алоқа йўқ», - дейди Зан.
6 февраль куни эрталаб Туркия жанубидаги Кахраманмараш вилоятида 7,7 магнитудали зилзила содир бўлиб, у 10 та провинцияни қамраб олди.
