"Лестер" ва Туркия терма жамоаси ҳимоячиси Чаглар Сёюнджю мамлакатдаги зилзилалар фонида нархларни ошириш орқали пул ишлашга уринаётган ҳамюртларини танқид қилди.
"Бутун мамлакат мотамда, одамлар вайроналар остидан қутулиш давом этаётган бир пайтда, бир томчи ҳам одамийлик туйғуси бўлмаган лоқайд одамларнинг талон-тарож қилишга, нарх-навони беш баробар оширишга уринаётганини ўқиймиз, кузатамиз. Улар жазосиз қолмаслиги керак, буни эътиборсиз қолдириб бўлмайди!", - деди футболчи Fanatik билан суҳбатда.
Аввалроқ Туркияда кетма-кет зилзилалар содир бўлган эди. Энг кучли зарбалар 7,8 магнитудага эга эди. Табиий офатлар натижасида Туркия бўйлаб кўплаб бинолар қулаб тушди. Кўп одамлар ҳали ҳам вайроналар остида қолмоқда, қутқарув ишлари олиб борилмоқда.
