"Бавария" "Барселона"нинг иқтидорли ярим ҳимоячиси Гавини ўз сафига қўшиб олмоқчи, дея хабар бермоқда El Nacional.
Ярим ҳимоячининг янги шартномаси ҳали Ла Лига томонидан тан олинмаган ва мюнхенликлар клуби 18 ёшли футболчини 50 миллион еврога сотиб олишга умид қилмоқда. Бу эски Гави шартномасида кўрсатилган тўлов миқдори.
Қайд этилишича, "Бавария" бош мураббийи Юлиан Нагельсманн Гавининг ашаддий мухлиси ҳисобланади. Мутахассис футболчининг "Барселона"даги ҳолатини диққат билан кузатиб бормоқда.
Гави "Барселона" тарбияланувчиси. "Кўк-анорранглилар”нинг асосий таркибида ярим ҳимоячи 77 та ўйин ўтказиб, 4 та гол урган ва 11 та голли узатмани амалга оширган.
