"Bavariya" "Barselona"ning iqtidorli yarim himoyachisi Gavini o‘z safiga qo‘shib olmoqchi, deya xabar bermoqda El Nacional.

Yarim himoyachining yangi shartnomasi hali La Liga tomonidan tan olinmagan va myunxenliklar klubi 18 yoshli futbolchini 50 million yevroga sotib olishga umid qilmoqda. Bu eski Gavi shartnomasida ko‘rsatilgan to‘lov miqdori.

Qayd etilishicha, "Bavariya" bosh murabbiyi Yulian Nagelsmann Gavining ashaddiy muxlisi hisoblanadi. Mutaxassis futbolchining "Barselona"dagi holatini diqqat bilan kuzatib bormoqda.

Gavi "Barselona" tarbiyalanuvchisi. "Ko‘k-anorranglilar”ning asosiy tarkibida yarim himoyachi 77 ta o‘yin o‘tkazib, 4 ta gol urgan va 11 ta golli uzatmani amalga oshirgan.