Лиссабоннинг "Бенфика"клуби Туркияда шу ҳафта содир бўлган зилзилада жабр кўрганларга ёрдам кўрсатади. Бу ҳақда Португалия клуби расмий сайти хабар берди.
"Бургутлар” матбуот хизмати хабарига кўра, жабрланганларга 1000 дона термо-кўрпача берилади. Бу ёрдам борасида Лиссабон клуби раҳбарияти ва Туркиянинг Португалия пойтахтидаги элчихонаси ўртасида келишиб олинди.
Эслатиб ўтамиз, 6 февралга ўтар кечаси Туркиянинг жануби-шарқида 7,8 магнитудали зилзила содир бўлиб, бу мамлакатда 1939 йилдан бери энг кучлиси бўлган эди. Зилзила эпицентри Газиантеп шаҳри яқинида жойлашган.
