Lissabonning "Benfika"klubi Turkiyada shu hafta sodir bo‘lgan zilzilada jabr ko‘rganlarga yordam ko‘rsatadi. Bu haqda Portugaliya klubi rasmiy sayti xabar berdi.
"Burgutlar” matbuot xizmati xabariga ko‘ra, jabrlanganlarga 1000 dona termo-ko‘rpacha beriladi. Bu yordam borasida Lissabon klubi rahbariyati va Turkiyaning Portugaliya poytaxtidagi elchixonasi o‘rtasida kelishib olindi.
Eslatib o‘tamiz, 6 fevralga o‘tar kechasi Turkiyaning janubi-sharqida 7,8 magnitudali zilzila sodir bo‘lib, bu mamlakatda 1939 yildan beri eng kuchlisi bo‘lgan edi. Zilzila episentri Gaziantep shahri yaqinida joylashgan.
