"Барселона" президенти Жоан Лапорта Англия Премьер-лигасининг "Манчестер Сити"га қарши суд жараёни ҳақида фикр билдирди. Эслатиб ўтамиз, "шаҳарликлар" 2008 йилдан 2018 йилгача молиявий фейр-плей қоидаларини бузганликда айбланмоқда.
Санкция сифатида Хосеп Гвардиола жамоаси турнир жадвалидаги очколарини олиб ташлаши ёки ҳаттоки Премьер-лигадан четлатилиши мумкин.
"Манчестер Сити билан боғлиқ иш"? Тафсилотини билмайман, лекин умид қиламанки, бу клубдаги дўстларим вазиятни назоратда ушлаб, муаммоларни бартараф этишади”, — деди Лапорта матбуот анжуманида.
“Барселона”нинг собиқ бош мураббийи Хосеп Гвардиола “Манчестер Сити”да 7 йилдан бери фаолият олиб бормоқда.
