Олий Лига 17-турдан ўрин олган «Нефтчи» – «Навбаҳор» ўйини ҳакамлари таркибида ўзгариш юз берди, - дея ёзади ЎзПФЛ расмий сайти.
Ўйиннинг бош ҳаками этиб Равшан Эрматов тайинланган эди. 27 август куни Фарғонада бўлиб ўтадиган ўйинни унинг ўрнига энди Ҳасан Рўзиев бошқариб боради. Ёрдамчи ва захира ҳакамлари таркибида ўзгариш юз бермаган: Абдуҳамидулло Расулов ҳамда Жаҳонгир Саидов қанотларда ҳаракат қилса, Мурод Муҳамедов захира ҳаками сифатида кўрсатилган. Ўйин назоратчиси - Фарҳод Абдуллаев.
Std.uz сайтнинг аниқлаштиришича, "Бунёдкор" стадионининг очилиш маросими муносабати билан Равшан Эрматов Фарғонага бормайдиган бўлган. ФИФА рефериси ушбу маросимда қатнашиши кўзда тутилган.