Ҳимоячи Жорди Альба ёзги трансфер ойнасида “Барселона”ни тарк этиши мумкин. Каталония клуби маошини камайтириши керак ва Альба жамоанинг энг кўп маош олувчи футболчиларидан бири. Натижада, 33 ёшли футболчи вазият қурбонига айланиши мумкин, дея хабар бермоқда Fichajes нашри.
Жорди Альба "Валенсия"дан кўчиб ўтгандан сўнг 2012 йилнинг ёзидан бери "Барселона"да ўйнамоқда. Ўшандан бери ҳимоячи "кўк-анорранглилар" сафида 448 та ўйин ўтказди. Уларда Альба 26 та гол урди ва 99 та голли узатмани амалга оширди.
Тransfermarkt портали Жорди Альбани 5 миллион еврога баҳоламоқда.
