Англия терма жамоаси ва Дортмунднинг "Боруссия" клуби ярим ҳимоячиси Жуд Беллингем фаолиятини "Ливерпуль"да давом эттирмоқчи, аммо бу мавсумда Юрген Клопп жамоаси кўрсатаётган натижалар уни тўхтатиб қолиши мумкин.

Sport1 хабарига кўра, "қизиллар"нинг муваффақиятсиз ўйини туфайли ярим ҳимоячи яна бир мавсум Дортмундда қолиши мумкин. Ўз навбатида, "асаларилар" бу вариантга қарши эмас ва Жудга янги шартнома таклиф қилиб, уни жамоанинг энг кўп маош олувчи футболчисига айлантирмоқчи.

Беллингем жорий мавсумда 18 ўйинда 4 та гол урди ва 4 та голли узатмани амалга оширди. 19 ёшли футболчининг "Боруссия" билан шартномаси 2025 йилгача мўлжалланган ва трансфер нархи 110 миллион еврога баҳоланмоқда.