“Манчестер Сити”га тегишли бўлган португалиялик ярим ҳимоячи Бернарду Силва Англия Премьер-лигасини Франция чемпионатига ўзгартириши мумкин. Ярим ҳимоячи "ПСЖ" қизиқишлари доирасида.
Tribal Football журналистларига маълум бўлишича, Бернардунинг харидига таклиф ташаббускори парижликларнинг юлдузли ҳужумчиси Килиан Мбаппедир. Ўз навбатида Силва янги чақирувга тайёр ва парижликларнинг таклифини кўриб чиқмоқчи.
Эслатиб ўтамиз, Мбаппе ва Бернарду "Монако"да бирга ўйнашган.
28 ёшли ярим ҳимоячи 80 миллион еврога баҳоланмоқда. Унинг "Сити" билан шартномаси 2025 йилгача мўлжалланган.
