«Барселона» ҳимоячиси Жорди Альба Ла Лигадаги чемпионлик пойгаси ҳақида гапирди.

«Тажрибамдан шуни айтаманки, Лигада ҳали кўплаб ўйинлар бор ва «Реал» охиригача жуда қаттиқ курашади. Биз учун ғалаба қозониш жуда қийин бўлади.

Бу жуда катта масофа, лекин биз бўшашмаслигимиз керак. Аммо ғалаба ўз қўлимизда», - дея Альбанинг сўзларини келтиради Marca.

20 турдан сўнг «Барселона» 53 очко билан Испания чемпионати турнир жадвалида пешқадамлик қилмоқда. «Реал» 45 очко билан иккинчи ўринда бормоқда. Кучли учликни «Реал Сосьедад» (39) ёпади.

Кейинги турда «Барселона» «Вильярреал»га, «Реал» эса «Эльче»га қарши майдонга тушади. Учрашувлар мос равишда 12 ва 15 февраль кунлари бўлиб ўтади.