«Милан»нинг 1977-1993 йилларда ўйнаган машҳур собиқ сардори Франко Барези «Торино»га қарши ўйин учун таркибга киритилган Златан Ибраҳимовичнинг сафга қайтишини олқишлади.
Барезининг фикрича, шведнинг борлиги жамоага мотивация беради. Ибраҳимович оғир жароҳатидан фориғ бўлди.
«Златан кимлигини ҳамма билади. У қаерда ўйнаган ва нима ютган, барчага маълум. У қайтиб келди ва ўтган мавсумда, чемпионлик мавсумида жуда муҳим ҳисса қўшди.
Ҳамма учун йиллар ўтади, у бу сафар жамоага нима беришини аниқ билмайман, аммо у харизма рамзи бўлиб қолади», дейди Барези.
