Сайтда илк маротаба "Фаол мухлис" лойиҳаси ўз ишини бошлади ва 10 кун (16-25 август) давом этди. Ушбу лойиҳа ўзининг ижобий томони билан бирга, баъзи салбий жиҳатларини намоён қилишини билардик. Аммо бу асосий эмас. Асосийси лойиҳани амалга оширдик ва ўзимиз учун хулосалар чиқариб олдик.

Натижаларни эълон қилишдан олдин бир нарсани таъкидлаш лозим, юзага келган айрим сунъий ҳаракатларга кўз юмишга ҳаракат қилдик. Танловнинг кейинги босқичида бу камчиликлар бартараф этилади ва кейинги босқичдан бошлаб ҳақиқий фаол мухлисни аниқлаймиз.

Демак, танловнинг дастлабки босқичида "Xumoyunbek" ғолибликни қўлга киритди. У ўтган давомида 1150 балл жамғарди. Тўғри, у балларнинг аксарият қисмини фикр қолдириш орқали йўлга киритди. Шунингдек, сўровномалар, викториналар иштирок этди ва конференция эгаларига саволлар йўллаб, жавобларга эга бўлди.

Танловнинг 2 ва 3-ўринларини эса "MilanAC" ва "Parol" қўлга киритди. Уларни ҳам ўзига хос эътироф билан муборакбод этамиз. Умуман олганда рейтинг жадвалида 395 киши киришга муваффақ бўлди.

"Xumoyunbek"ни табриклаймиз ва унга ҳозирча совға сифатида телефон номерига 3,5 ГБ интернет-пакет сотиб олиши учун етарли маблағ ташлаб берилади.

Кейинги босқичларда танлов шартларига ўзгартириш киритилади. Техник камчиликлар ҳам бартараф этилади. Бу ҳақда сайтга қўшимча эълон киритилади.

Танлов рейтинг жадвали билан қуйидаги ҳаволалар орқали танишиб олишингиз мумкин: веб-версия ва мобиль-версия орқали.